2018年4月29日 ⛅️
Hotel Football →🚶🏻→The Lancashire County Cricket Club →🚶🏻→Old Trafford Stadium
Manchester United vs Arsenal
Old Trafford Stadium →🚶🏻→ Old Trafford Station→🚃→ Manchester Piccadilly Station →🚂→Euston Station →🚇→ Lancaster Gate Station (酒店)
今日真係好興奮，人生中第一次到球場欣賞一場國際級的足球賽事⚽️～～～～
要看這場賽事，付出的可不少，除了花費了£750💸💸💸, 仲要心驚膽顫😣～～～
我們於Hotel Football 酒店Check Out 後，寄存了行李，就步行🚶🏻到位於Old Trafford Metrolink Station 附近的 Lancashire Country Cricket Club - The Point Tower 取今場賽事的入場券🎫及享用VIP 的確Lunch🍝。
雖然天公作美，天氣很好，有太陽⛅️，但都凍到震❄️ ～～～～
但排隊拿票的人龍非常之長，真係吹到變雪條🍦
僅觀察所見，90%以上的Matchday VIP 都係遊客，而且我眼見唔少都是香港人🇭🇰
排了30分鐘，終於領取到入場券。
雖然奧脫褔球場有7萬個坐位，但券上清楚列明入場閘口，所以基本上係唔會迷路的！！
飲杯香檳先，Cheer!!~~~🍸
個VIP Package 係包些小贈品的～～～
就是這個Man. Utd 的藍牙播音機(雖然是贈品，但音色唔錯架🎶)
還有今天的比賽場刊(我見買都要£3.5架)
還有這個估「波膽」遊戲～～～
我估1:1 (和氣收場嗎！！😆)； 蕭生就估計曼聯贏2:1 啦！！
這是今日的餐單，有三個Course。
由於現場太多客人，所以Staffs 係會捧出不同的菜色🍲🍝🍛，你想要就舉手表示🙋🏻。
例如頭盤有餐湯及沙律，他們會先捧出餐湯，你要餐湯就舉手🙋🏻；如要沙律就等一下，等他們捧出沙律才舉手🙋🏻。
(開頭無經驗，仲一見有野食就舉手🙋🏻🙋🏻😂)
主菜我點了牛扒🐮
老實講，要同時處理成萬人的食物，牛扒仲點會可以選Medium Rare😅。
一塊全熟，熟到透的牛扒，好難唔「鞋」，但D配菜味道都OK的！！
蕭生就點了魚🐟，來英國咁多日，發現英國人不太懂處理魚，有點「腥」😅
不過，甜品都幾好食！！😋
VIP Package 係包見到「曼聯名宿」，上網見到有人曾經係見到「RYAN GIGGS], 所以蕭生都帶定件波衫希望攞到簽名。點知最後係呢位阿叔😅，但都同佢影張相啦！！
經過Facebook 網上問功課，終於知佢叫 Samuel Baxter Mcllroy～～～～
吃完個Lunch, 都15:30了，球場16:30 就開始，我們急急腳去球場～～～🏃🏻🏃🏻
途中見到好有型的騎警(但亮點是後面的便利厠所🚽)
睇一場咁大型的球賽，保安是非常嚴密。
入場人仕都有好多限制，帶入場的袋👜唔可以大過20cm X 16cm X8cm (其實除佐銀包，大部分都唔得)；水唔帶得(不過場內有得買)； 相機📷有得Zoom 都唔帶得！！(好彩有智能電話)
嘩～～～未開波已感受到氣氛🎉🎉🎉
球迷們都歌起隊歌了🎶
而俾穿著黃色衫的警衛圍著的一少角，就是Arsenal 的球迷，他們都好熱情咁唱著Arsenal 的會歌🎶
開波了！～開波了！～⚽️
好興奮！！😆😆😆
雖然位置好像好遠，但其實都好清晰👀，球員的號碼都睇得好清楚，而且好立體。
射罰球呀！！大家都在打氣！！
可惜唔入！！😅
好快，開波17分鐘，曼聯入一球了⚽️
全場都起立歡呼！！🎉🎉🎉🙆🏻🙆🏻
現場睇的氣氛真係好好！！除了全場會唱歌打氣，球迷的即場反應都好好睇😂😂😂
如果曼聯球員射失或傳失波⚽️，全場會大叫「唉！！～～～」，有些人會掩面🙈，好好笑😂😂😂
完了上半場！！紅魔鬼😈會出來同球迷打招呼！！
下半場開始，到Arsenal 入了一球⚽️
(我覺得好抵睇，兩入入球都係近我們這邊入，睇得好清楚👀👍🏻)
我差點Yeah~~~ 了一聲(因為我中了波膽😂)，好彩忍得住，否則會俾四周的曼聯球迷圍毆👊🏻
這少角的Arsenal 球迷當然好開心！！大聲唱起會歌來🎶
到最後補時5分鐘，很多球迷都開始離開(我都諗住我中波膽)，但我們還希望等到完場。
好彩無走到，曼聯竟然入補時階段射入一球 (不過今次遠離我們，睇得唔太清楚，都唔肯定😅，要見到D球迷企晒起身歡呼先知)
雖然今場球賽不算得上相當刺激，但現場氣氛好好，時間都過得好快，很快就完場了。
最後曼聯贏2:1 🎉（蕭生中了波膽，但都無奬嘅？！😅)
看！！～～～主場贏波的氣氛多麼正！！🎉🎉
完場了～～～我們要面對全程最難頂的一程
就是趕火車返倫敦😭 (如果不是改期，Matchday 輕輕鬆鬆住Hotel Football你話幾好呢？！😢）
可憐的我們，在人群中鑽入酒店攞返件大行李，仲要同好多好多人迫Metrolink 返市區。
但最大獲係，要趕19:32 班火車，否則下一班要20:23😭，就會好夜先返到倫敦。
我們9秒9 趕到了火車，但因為太遲上車，已沒有座位了😭
那麼，我們就如「難民」般，坐在地上，捱了2.5小時，超辛苦😭😭😭
雖然辛苦，幸好都趕得及23:00 前返到酒店休息～～～
沒有留言:
張貼留言