心齋橋-->大阪市営御堂筋線 (240Yen) -->梅田/大阪 (10:11) -->ＪＲ特急こうのとり5号・城崎温泉行 (JR Pass)-->城崎溫泉 (12:50)
今日要座兩個半小時的車程到城崎温泉
所以早餐要食得豐富D，試下One Harmony 會員專用早餐⋯⋯
你睇！好似包場咁！～～～絕對滿足到本人的虛榮心！！
這兒早餐是SET，有三款選擇性（美式，法式同日式）
我們點了一個美式，一個法式⋯⋯⋯
兩款早餐的頭盤都是一樣：Yogart with Cereal
Smoke Salmon with Salad
主菜：
美式的是Egg, Sausage & Ham (蛋選了Egg Benedict- 最難整嗎）
法式有French Toast
還有麵包＋三款JAM
加埋果汁
仲有咖啡或荼
真係飽到唔郁得⋯⋯⋯
打算乘坐10:11由大阪站開出住城崎溫泉的JR⋯⋯
由於一早未夠10點就佐月台，於是玩下自拍⋯⋯⋯
玩玩下，發現唔對路⋯⋯點解成10:10都未見架火車？！
我地一拎轉頭，先知原來架車已經就快開走⋯⋯⋯
原來因為班車得4架，我地又坐得太前，車頭沒有到達我們等的地方⋯⋯⋯
以9秒9 衝過去，氣到咳⋯⋯⋯
好彩有驚無險⋯⋯（咪要等兩個鐘先有下一班）
蕭生瞓到成集豬咁，但可能我太興奮，瞓唔到⋯⋯⋯
好彩有猴子，仲有手機上網陪我⋯⋯
到啦！到啦！！～～～
一出城崎溫泉駅⋯⋯⋯
不同溫泉旅館的"木履"都display晒出來
這兒有個免費的足浴池
還有一個可飲用的溫泉水 ～～～
經過一條小運河～～～～
就到達了我人生最貴的酒店－ 西村屋
但由於現在只是正午一時，未能check in，我們只可以於先放底行李⋯⋯食個lunch 先！！
由於十月"城崎溫泉"做緊優惠，在溫泉酒店消費每人20000YEN以上送到2000YEN cash coupon
而且大部分在城崎的店都用得⋯⋯⋯
我們就選了這間"海中苑"
這是城崎溫泉第一位食堂，而且仲可以用coupon(邊個話世上無免費午餐架？）
香港人果然係最識食，一入到餐廳，已經聽到"廣東話"
我們點了最人氣的"海鮮丼" 1940YEN
刺身定食 1620YEN
食飽飽⋯⋯應該夠鐘攞房啦！！
"西村屋"是一間有150年歷史的溫泉旅館
這間酒店雖然不大，但處處都散發著日本傳統氣息⋯⋯
一進大堂，就看到這個和風花園⋯⋯
有部分房間是窗口對著日式花園⋯⋯⋯
花園中的池塘，有很多儍儍的錦鯉⋯⋯⋯
我企在池邊，什麼都沒做，牠們就全部游過來⋯⋯可能以為我餵牠們吧！！真可愛～～～＾O＾
酒店職員用她有限公司的英文細心介紹旅館的設施⋯⋯
帶我們到我們預訂的房間"初音"⋯⋯
之前提及這是我住過最貴的旅館，依家開估這間房要兩位一泊二食要 73440YEN（一生人豪一次）
首先端上茶同果子給我們享用⋯⋯⋯
再拿浴衣給我們更換⋯⋯
忍唔住當然要睇下自己間房先啦！！
打開一扇門，就會看到一個小亭園⋯⋯⋯
向亭園行出去，就是我們的"私人風呂"⋯⋯（咪貴佐喺度囉）
泉水會源源不絕咁流出來⋯⋯⋯
浴室用品是用泰國名牌子THANN
拿拿淋同個私人風呂影返張出浴照先⋯⋯⋯
因為仲要趕住去"城崎溫泉外湯"集郵之旅⋯⋯⋯
拿著這個有Barcode 的票，就可以到城崎溫泉區七個外湯浸泡
事不宜遲，Lets' Go~~~~
由最近旅館的"鴻之湯"開始⋯⋯⋯
計埋除衫，著衫，打算每個"湯"spend 15分鐘
一鼓作氣的樣子！！努力～～～
御所の湯
一の湯 （頭髮都亂晒）
柳湯 （開始有倦意～～～）
地藏湯～～～天都黑埋！！ 個人都散佐！！
仲有一個"さとの湯"，要去到JR附近～～～～嗚！！無力啦！！決定權放棄返旅館～～～
YEAH～～～晚餐開動啦！！
睇下今日個menu先！！～～
嘩～～～成枱野食，好興奮！！！
食邊樣先好呢？！
食完飯，等佢執完房，鋪好床～～～
終於可以好好享受下個私人風呂～～～～～休息下！！
由於明天的早餐都係喺房食，而且最晏要8：30am開始食！！～～～～
明天都要早起，所以依家要早睡啦！！～～～GOODNIGHT
沒有留言:
張貼留言