香港 --> flight CX713--> 曼谷國際機場
曼谷機場 -->-private taxi (1200Baht) ->芭提雅
今次的旅程，沒有行程⋯⋯純粹一個字"HEA"～～～～
不過今次試佐D新野，就係"自助寄行李"，唔使等，好方便，可以自己貼嗰條貼紙，好好玩！！
兩個多小時的機程，差點連套"X-Men:Apocalypse" 都睇唔晒，就落機了。
落機第一件事，除佐攞行李之外，就當然係"兌錢"啦！！
但由海關到入境大堂，一直都見到有多間泰國銀行counters，Siam Bank、Bangkok Bank⋯⋯⋯但我都唔見有遊客兌錢～～～兌換率為HK$1.0 = 3.95Baht
好彩今次蕭生醒目👍🏻，一早查定，原來行多幾步，落到B／F，有兩間兌換店 Happy Rich 同Super Rich, 兌換率為HK$1.0 =4.45 Baht
頂佢個肺呀！！差咁遠～～～D銀行食水真係深！！😤😤😤
接著便找來接我們的司機啦！！
其實去芭提雅，可以到機場的G／F，有大型巴士去的。但我們貪方便，都係使多少少錢坐Private Taxi.
其實要找泰國Private Taxi ，只要喺Google 打"pattaya /bangkok private taxi" 就有幾十個網頁。
我只是隨意找了一間叫"ANN PRIVATE TAXI SERVICE"
預早幾天send 個email, 提供航班資料及酒店地址就OK。
不過原本她覆email 給我由曼谷機場到芭提雅酒店是1000Baht, 不過後來她發現我間酒店遠離芭提雅市中心，要求1200Baht。不過都合理的，我但求安全同方便快捷啫。
大約1.5小時，就到佐今次下塌的芭堤雅酒店
Movenpick Siam Hotel Pattaya
呢間酒店幾特別，佢係一半係酒店（紅色)／一半住宅(藍色)，不過照我估計，大大部分是遊客，業主不多。
選擇這間酒店除了平（HK$750一晚包早餐的五星級酒店）
吸引我的就是這個與海灘相連的日落景大泳池⋯⋯☺️
先來杯"Welcome Drink"~~~~
而這兒的房間都很大⋯⋯⋯
而且戶戶都有向海露台⋯⋯
酒店每日每房提供4支免費水。
浴室有一個大浴缸可浸浴⋯⋯⋯
由於酒店遠離芭提雅市，所以今天決定足不出戶，享用下酒店設施⋯⋯⋯
先到酒店餐廳Twist, 食個lunch 先！！～～～
第一天來到泰國，試下泰國菜！！
先來個"冬陰公湯"
夠酸夠辣，仲有三隻大頭蝦
係我全程最好味的"冬陰公"👍🏻
泰式海鮮炒飯🐙🐠🐟
好多海鮮，有蝦、有蟹、仲有魷魚⋯⋯不過個飯好濕，唔乾身，唔知係咪泰國的特式？！
泰式雞肉炒河🐓
味道唔錯，不過雞肉很"鞋"，同點解咁多汁，仲以為自己食緊湯河tim😅
雖然係酒店餐廳，但食佐三樣野＋10% service charge 同時7%VAT 後，都係950Baht
食完野，係時候享受下個靚泳池同海灘了🏊🏻～～～～
海灘仲有"艇仔"🚣同"水上單車"玩⋯⋯
酒店安全意識幾好，一定要穿救生衣玩～～～
我地玩佐一陣，估唔到原來好攰架！！
今次試下酒店的扒房 T55 New York Grill
見到佢地雪櫃D牛扒，真係好吸睛😍
雖然食牛扒應該配紅酒！！
但酒，我地就麻麻啦！！order 佐支sparkling water (320Baht)
餐前會送上麵包，新鮮焗起，超香超好味！！😋👍🏻
頭盤：Oysters Box (600Baht)
生蠔來自紐西蘭及愛爾蘭，蠔肉雖然唔厚，但海水味很濃
主菜：MeatPacking Burger (650Baht)
配有黑松露醬的漢堡扒，味道好夾，而且仲有兩大塊漢堡扒，真係好飽！！😳
主角牛扒🐮出場啦！！
我們的Order 了一客 Charolais 350g (1800Baht) Medium Rare
跟有八款醬料～～～～
可惜太重的香料味，蓋過了牛味！！
吃到這裡，己經太飽了～～～
都不能再order 甜品
但餐廳都送了兩粒綿花糖朱古力氹下你個胃！！～～～🍭
這是全程最貴一餐，成為3950 Baht💸💸💸
今天好好休息（其實日日都休息），明天出發出芭提雅市！！
沒有留言:
張貼留言