2014年3月26日 雨
行程:
午前 熊本城 (櫻花)
午後 熊本--> 阿蘇FRAMLAND
熊本13:54 -->JR特急あそぼーい!103号 -->赤水15:04
正直櫻花季節, 今天計劃了到熊本城賞櫻, 可是起身打開窗簾郤見到一大舊黑兩雲飄著來…………
但因為早要安排了密密麻麻的行程(很後悔, 其實熊本應該留兩至三天), 不能怠慢………
真係要唱返首 "OH~~天氣不似預期, 但要走, 總要行………"
食過豐富的酒店BUFFET 早餐…………拖著昨晚執好了的行李, CHECK OUT 後, 把行李寄存在酒店後, 問酒店借了兩把 "雨傘", 就出發………
在"祗園站"再次跳上著開往"健軍町"方向A-LINE電車……
大約8分約車程, 在"熊本城・市役所前電"站下車
(記住下車時, show show 昨天購買的"一日乘車証")
落車後, 原著指示…………
行3分鐘左右就看見滿開的櫻花圍著護城河………
(熊本城入場料金: 大人- 500YEN 小童- 200YEN)
這個時候, 雨下得越來越大…………
我們拿著傘子向著"熊本城池"行去………
大雨中的櫻花顯得更柔弱………
熊本城網址: http://www.manyou-kumamoto.jp/castle/
由於順道, 我們遊覽埋隔離的"城彩苑" , 原來只係一個小小的購物區, 但無乜斬獲
由於趕行程, 我們SPEND佐兩小時就要走了, 要返酒店攞返D行李, 仲要食埋LUNCH…好趕呀!!
離開熊本城, 雨又開始大起來………
拿拿淋又跳上電車, 搭去"二本木口"站, 諗住食好出名嗰間"黑亭拉麵" (http://www.kokutei.co.jp/)
真係估你唔到, 落住咁鬼大雨, 間野門口都企滿人 >.<
唉~~~ 唯有放棄吧!! (好唔咁心呀!!~~~~ 下次一定要食返!!>O<)
只好在JR熊本駅附近買野上車食啦…………鬼叫趕咩!!!!!
++++++++++++++++++++++++++++++++++++++++++++++++++++
其實今日咁趕咁趕, 咪就為佐佢LAW
"JR特急あそぼーい!103号"
鬼咩!!~~一日得兩班由熊本出發, 塔唔到?! 無既, 搭普通列車law
JR熊本駅買來的一埋雜食 |
咁辛苦趕上呢班車, 當然要周圍拍拍照吧!!
小朋友有姐姐陪玩波波 |
又點小得打刧你錢包的記念品?! |
大約一小時的車程, 我們在"赤水"下車………
"赤水"是一個在簡單的車站, 連check 票的工作人員也沒有………
當時, 正在"落狗屎中"………
我們問售票小窗口的職員如何去"阿蘇FRAM" (其實係想駁下會唔會可以幫我地call 到駕shuttle bus)
點知職員答我 "TAXI"
我們一臉無奈, 望著車站外的的士站, 唯一一駕的士都俾人截了………再望一望車站職員, 同佢講: "NO TAXI"
他竟然立即"落閘"(真係落佐一度閘架!!), 外面滂沱大雨, 唔通連個天都唔鐘意我?! ToT……
突然有駕的士, 唔知邊走出來?!! 原來個"車站職員", 姚身一變, 變佐"的士司機", 真係O晒咀?!唔理咁多啦!! 立即跳上車先!!~~~
(由JR赤水駅坐的士上阿蘇FRAM, 費用 1060YEN)
終於來到"阿蘇FRAM"………
呢度真係好大架!!!! |
但係都成晏晝3點幾啦!! 都未可以CHECK IN, 職員叫我地先寄存行李, 四圍行下先WOR~~~~
由於我BOOK 的係一泊兩食包一個活動的PACKAGE (很抵住-Total: 24000YEN + 300YEN入湯稅兩位)
見雨細佐, 就去佐"動物王國"眼我最鐘意的動物啦!!
呢兩隻又似鹿, 又似免, 但狗咁大隻的, 我都唔知係乜?! |
仲有"水豚", 好大隻呀!! |
對任何事莫不關心的"水豚" |
紅鶴 |
倉鼠 |
很不爽的貓頭鷹 |
圖文並茂教你點抱 |
點解大家都係鼠頪, 倉鼠咁得意既?! |
玩完一倫, 終於可以CHECK IN………
呢間就係我地間"蒙古包"啦 |
睇下入面先!! |
由於呢度太太太大, 所以出出入入最好搭SHUTTLE |
晚上的阿蘇FRAM 還燈光閃閃 |
因為入面有十幾個唔同"泉", 浸到你唔浸呀!!
圖片由阿蘇FRAM 提供 |
又係SHOW戰利品時間 |
今晚, 有得食, 有得玩, 有得浸, 簡直滿足晒我所有的慾望呀!!………好好瞓!!!
但係半夜大雨, 灑落屋頂, 沙沙聲, 俾佢嘈醒!!
阿蘇 FARM 網址: http://www.asofarmland.co.jp/
沒有留言:
張貼留言