DAY 9 (31/5) SUN
TANGALOOMA
這是我整個旅程中最期待的一天, 決定來布里斯本, 都係為佐佢 - TANGALOOMA 喂野生海豚!!!
TANGALOOMA Island Resort位於 MORETON ISLAND, 是澳洲最大沙島之一~~~~~~
(http://www.tangalooma.com/info/home/)
話明係"島", 當然係要搭船去啦!!
但要去Tangalooma Launch碼頭一點都不方便, 除了駕車, 就只有搭Taxi !!
我們由酒店搭Taxi過去, 大約20分鐘, 費用 AUD$33。
預約了10:00am 的船, TANGALOOMA強調要早 45分鐘前到逹碼頭!! 未夠9:00am已經去到, 我地差不多是最早的, 而且只係得個等字…………
由於實在太早, 加上今日係星期, 附近的餐廳都未開, 今日的早餐唯有在附近 7-11 買~~~
每份 AUD$2 |
去到碼頭, 已見到有寫住 TANGALOOMA 的三層高大船!!!
但後來發現原來我地唔係座呢架, 只係座一隻JET 的小船!!~~~~~~
等船期間, 發現去TANGALOOMA的, 大部份都是一團又一團我們最熟識的強國同胞~~~~~~~
呆等了成粒鐘, 終於上船啦!!! 見到隻小遊艇在碼頭拋拋下, 都驚驚地!! 但上到船, 估佢唔到又幾定WOR!!
大約個半小時的船程, 就到逹了!!!!
雖然未到CHECK IN 時間, 但可能我訂的所謂的高級房(Deluxe Room), 竟然即刻有房!! YEAH~~~~~~
老實講, 為了喂野生海豚, 付出的金錢可不少呢!! 一晚DELUXE ROOM + 來回船票要成= AUD$325 + $160 (己包喂海豚)
這間酒店叫 Kookaburra, 即係澳洲獨有的"笑翠鳥"
DELUXE ROOM 比 STANDARD ROOM 貴 AUD$30
就係多佐海景~~~~~
同送一支紅酒+ 兩粒朱古力
可惜有個海景之餘, 仲有個好大的"發射站"~~~~
我地立即換定件潛水衣, 準備我地一連串的活動~~~~~
++++++++++++++++++++++++++++++++++++++++++++++
喂海豚活動要到傍晚6PM 先進行, 首先食D野補充定體力先!!
TANGALOOMA RESORT 主要有三間餐廳:
1. COFFEE SHOP - 有三文治, 小蛋糕, 雪糕, 茶或咖啡……
2. BEACH CAFE - 有海鮮, BURGER, STEAK, 意粉……
3. FIRE & STONE - 有中餐同西餐食
午餐, 我們就吃了一個BURGER & CHIPS AUD$17
再去探下碼頭邊的塘鵝~~~~~一D都唔怕人, 仲痾到周地雀屎
++++++++++++++++++++++++++++++++++++++++++++++
中午, 我們參加了其中一個活動"DESERT SAFARI"(滑沙)
每人AUD$38 (可於訂房時預約或到Activities Center 預約)
1:30pm, 大家集合好, 一行大約40人左右, 就坐旅遊巴出發~~~~~~~
經過一偏叢林~~~~
15分鐘之後, 眼前竟然是一偏一望無際的沙漠~~~~~
真的忍不住, 立即"嘩!!~~"了一聲!!
導師要我們放下所有隨身物品, 包括鞋同襪…………
赤裸裸的腳踏上暖烘烘的沙上~~~~~~
感覺好正!! D沙好滑好軟呀!!!~~~~~~~\^o^/
導師會先教導大家滑沙的技巧~~
首先介紹工具, 就係一塊"板", 佢仲話"Don't worried!! It is Made in China!!"(究竟佢咩意思?!)
跟住畫佐兩個"圓圈加一點係塊板中間", 中叫我地唔好心邪, 呢個係眼睛位置!!~~~
滑落黎的時候, 要記住
1. 一定要chicken wings (手肘)離地, 除非你想幫兩隻chicken wings 做"磨沙"啦!!
2. 帶太陽眼鏡或潛水鏡 (本來帶佐黎, 但漏佐喺酒店, 迫往要帶佢地提供超樣衰潛水鏡)
3. 千祈唔好打開個口 (但為佐影相靚, 堅持E開個口笑, 食晒沙, 好後悔 T.T...)
好興奮~~~~影張相先!!
但過癮之前, 要枱住塊板, 爬上三層樓高的沙丘頂~~~~
好辛苦呀!!!~~~~~即使好努力爬, 腳還是沈入沙中, 舉步維艱~~~最後唯有用埋塊板做拐杖!!!
爬佐成5,6分鐘, 終於上到頂!!!
但滑落黎都唔使10秒!!~~~~~
雖然己盡量保持笑容, 但那騎呢的潛水鏡+頭髮披面的造型……… |
好彩最後我們都滑佐3次!!
滑完仲有隨團攝影師會同你影D得意相!!~~~~
回程了, 你會發現由頭髮到腳趾都係沙~~~~~~
第二朝早, 己經沖佐幾次涼, 耳窿都仲有沙~~~~
大約晏晝3pm 就返返RESORT.
其實RESORT 仲有好多活動可以參加: 附費的包括觀鯨 (但我喺悉尼已經睇佐), 浮潛, 潛水, 沙灘電單車, 水上降傘…………
免費的就有排球, 籃球, GOLF, 射箭…………
最後我地揀佐免費的射箭………
到了黃昏5pm, 有Kookaburra Feeding 節目
野生的Kookaburra 笑翠鳥知道呢個鐘數有人喂, 會乖乖的飛來~~~~~
但看來佢地唔係好肚餓, 含住舊肉都唔食!!~~
佢地一D都唔怕人, 我行到咁近都唔走開!!~~~~~卡哇依!!
++++++++++++++++++++++++++++++++++++++++++++++
到佐晚上6PM, 重點節目到了~~~~~~
久等了一天的野生海豚開始遊來到沙灘~~~~~
而且懂得乖乖的分了5 行等待餵飼~~~~~
島上所有的遊客都來到~~~~~~~
導師作了一翻介紹, 說:可以開始喂海豚
我地立即以9秒9的速度衝去排隊(因為驚排得後, D海豚食飽佐會唔食我喂的魚)
我地成功排到第二行的第二位!! ~~YEAH
雖然佢話每人只可拿一條魚(D魚好鬼胜), 但我地每人拿了兩條!!~~~
但俾發現, 唯有乖乖放返低一條!!>.<
幸好今天不是太多遊客, 導師給了我們每人3條魚~~~~
海豚好乖, 不會猛力搶食, 而是慢慢溫柔地從你的手含走條魚, 牠的牙齒輕輕觸碰到我的手, 這種感覺一生難忘!!!
由於自拍是沒可能的, 一定要靠攝影師幫手, 這一刻, 都唔知望住海豚好,定望住鏡頭笑好!!~~~~(最後都決定要望鏡頭)
由於海豚實在太可愛, 我忍不住抽佐牠們兩下水, 導師立即禁止, 她說牠們是野生, 不可觸碰!!
感覺好得易, 好似摸落一舊好大的塑膠咁!!
唔使10分鐘就完成佐呢項活動了!!!~~~~~~
全身都濕晒, 好鬼湅呀!!!
有d遊客仲要喂完海豚就即刻搭船走, 咪湅死?!!
++++++++++++++++++++++++++++++++++++++++++++++
我地就立即返酒店沖涼換件乾的衫先~~~~~
跟住刷返餐勁!!~~~~~~
雖然又幫襯返Beach Cafe, 但呢餐真係好勁架!!!
有成桶大蝦, 和牛扒, 仲攞埋房入面支紅酒!!! CHEER~~~~
和牛STEAK (MEDIUM RARE) AUD$25 都OK 啦!! |
作桶蝦 AUD$35 一桶有成10隻, 蝦好大隻, 又彈牙!!必食!! |
食完飯, 悶悶地又未想瞓住~~~~~有乜好做?!!
不要心邪, 我地只係打佐場 SNOOKER (AUD$3一鋪)
(今天洗費: AUD$113)
今晚好好睡一覺!!!
明天要返BRISBANE~~~~~~~~~
贊哦!!
回覆刪除謝謝😊
刪除是住在k區才有嗎? 我住k有 我親戚住c就沒有了
回覆刪除