Snowblue 漫遊世界: 2016 大阪京都有馬溫泉閨密遊（DAY 2) - 大阪環球影城挑戰最新"飛天翼龍FLYING DARGON"

5月23日星期一天晴☀️☀️☀️

大阪環球影城 Universal Studio Japan

JR 難波-->ＪＲ大和路線・王寺行-> 今宮-->ＪＲ大阪環状線 --> 西九条--> ゆめ咲線・桜島行 --> Universal City ( 車資：180YEN)

今次應該係我第7次來"大阪環球影城 Universal Studio Japan"

雖然係第7次，但同唔同的人來，其實都有唔同的感受☺️！！～～～
適逢今次是USJ 15週年，還有最新的 Flying Dragon🐉!!~~~

我們三個熟女，又怎能再捱得住排幾粒鐘隊之苦呢？！
固此我們早在一個月前已在網上購買了"Express 7"(6900YEN)

http://www.usj.co.jp/ticket/

溫馨提示：

"Flying Dragon 飛天翼龍"、"哈里波特禁忌之旅"及"鷹馬的飛行"都雖要預早選定時間，但我們發現，雖然早過預定的時間是不能進入，但遲過，無論遲佐幾多都可以進入。
大家若果要玩最新的"Flying Dragon 飛天翼龍"，至少要預早5個星期預訂，我地預早一個月訂，已經不能買到同一時段(我們只好買前後時段。
若大家join 了 CLUB UNIVERSAL, 生日月或翌月入場，壽星仔女和一同入場的朋友(最多6位）入場費都有折扣優惠。我們就有其中一位朋友4月生日，入場票由 7400YEN 減至6900YEN，三個人足足慳佐1500YEN。

開開心心入場去～～～

由於我們book 了進入"哈里波特魔法世界"的最早時間係11:50pm，已家先輕輕鬆鬆selfie 下先！！

首先使用第一張FAST PASS玩我推介的

"The Amazing Adventures of Spider-Man - The Ride 4K3D"

同SPIDER-MAN影合照！！
遊客必須用樂園相機影一張及用遊客的相機再影一張！！

好多遊客影完都無要張相，但我地覺得張相影得好靚，而且有個好靚的相架 (1500YEN），於是我們還是買了一張，送給上月生日的朋友而又帶揳我地有入場優惠的好朋友VICKY！！

玩完SPIDER MAN，都仲未入得Harry Potter，只好到就近的JAWS, 用第二張Fast Pass同大白鯊玩下遊戲先！！

JAWS X Hello Kitty 的產品真係好靚😍，真係忍唔住又破費啦💸💸💸💸！！～～～

我地要進入"哈里波特魔法世界"啦！！～～～
不過今次真係唔可以化身 Hogwarts 的學生，因為真係熱到P⋯⋯⋯呢🔥🔥🔥？！

第二次玩"Harry Potter and the Forbidden Journey™ in 4K3D"終於無頭暈啦！！
不過就有小小熱到中暑😲！！～～～

係時候入室內休息下，補充返體力！！
我們選了最就👣的"three Broomsticks" ，經過我上次的經驗，絕對唔會再食佢的肉🐷🐤同粟米🌽。
選了Fish & Chips 同薯蓉，今次果然好味好多！！👍🏻

一出餐廳⋯⋯

好開心！！今次見到"貓頭鷹"🐥

不過隻衰野，合照時竟然背住我😠

又到佐今日最主要同最緊張的時刻😖～～～
我地要挑戰最新，亦是全球落差最大的過山車"Flying Dragon 飛天翼龍"～～～

雖然已買了Fast Pass, 但入場後都要多排30分鐘~～～

老實講，這等待的30分鐘，我真係驚到👣震😨😨😨！！唔係出發前答應佐同個friend 玩，我係應該唔會玩的！！

排隊其間，佢會每人派一份"說明書"，說明所有身上鬆脫的東西都要脫下，否則如遊戲其間任何東西從你身上飛彈出來而傷及途人，要付上責任！！

用言語是不能說出其中感覺！！但當時又不能拍照，我唯有借用YouTube 的影片，讓大家感受一下！！

最後我地都成功挑戰佐！！無縮沙呀！！✌️

玩完又覺得無想像中咁驚！！仲幾過癮！！好似真係俾條翼龍拋佐上天咁！！正👍🏻

所以我要多謝您！！唔係都無機會咁HIGH！！

玩完飛天翼龍，雖然只玩了Express 7的其中五個Games，但可能年紀大，已覺得筋疲力揭了⋯⋯⋯

又到我們的Shopping 時間！！～～～

巧遇神出鬼沒的MINIONS，一定要影返張相啦！！

玩完、買完、影完⋯⋯大家條Shopping 癮又發作。又諗住返心齋橋繼續Shop!!

但大家唔好心急走住，因為所有在"大阪環球影城"所購物品(影城門票、Express門票、食品、爆谷桶等紀念品、攝影服務、郵票、送貨上門服務等除外）滿5001YEN, 就可以退稅啦👏🏻👏🏻👏🏻！！

"退稅櫃位"就在入口右邊 ［15］商店(Studio Gifts West)

商店內雖有十多個退稅counters, 由於退稅時，職員要把你在影城內購買的所有貨品重新點算一次，所以退稅需時，大家要多預留時間。（我們就排隊到退稅大約花了30分鐘，但注意我們是下午五時左右，而不是樂園關門前的高峰期）