Snowblue 漫遊世界: 2016 大阪京都有馬溫泉閨密遊（DAY 5)

26/5 (THU) 晴後雨 ☀️🔜☔️

京都清水寺

京都駅前巴士站--> 100號巴士 --> 清水寺五坂

終於到佐我最期待的一天，來過日本咁多次，難得同好姐妹來，可一賞穿和服的滋味⋯⋯⋯👘🌸

要穿和服，絕不能一時興致，一定要預約的。
我從朋友口中及網上評語中，得知「匠染」口碑唔錯⋯⋯
http://www.sensho-kitamura.jp/info/chinese.html
可惜口碑好，自然受歡迎，我們預早一個月預約，都已經FULL 了😞，

唯有退而求其次，選了另一間「岡本」👘OKAMOTO
http://okamoto-kimono.com/about/index.html
「岡本」有五間分店，我們選了最近清水寺一間，貪佢夠近，著完可以立即上清水寺⋯⋯

最早9:00am , 但我們預約了10:30am。但提醒大家一定要約早D，我們去到已經很多人，選擇不多，一睇中好立即攞住先，否則一個唔該就俾人攞佐。👘

我們選擇了5000YEN 的和服SET（3000YEN嗰D真係揀唔落手）＋500YEN就可以包埋SET 頭，咁當然SET埋啦！！

選好你的和服和襯飾後，就到二樓更衣室，這個大大的更衣室裡已有很多女子們在接受更衣⋯⋯⋯

我感覺到自己就像一個洋娃娃般，給工作人完舞來舞去，摩打手咁就把和服穿佐我身上👘⋯⋯ （快得我想影影個過程都不可能）

依家我著佐起碼五層布，外面最高溫有16度🔥；而且👘仲要很緊身，我都唔知一陣點去厠所同食野⋯⋯⋯

不過女人不嬲都為佐靚就乜都得！！👸🏻

完成，影返張靚相先⋯⋯📷

向「清水寺」出發⋯⋯

原著這條步行街，沿途有很多「匪店」⋯⋯⋯

不過我們都不可受引誘，勇住直前去「清水寺」求神先⋯⋯🙏🏻
（求乜係唔會話你知的！！😜）
http://www.kiyomizudera.or.jp/index.html
此門叫「仁王門」

買票先，成人每位300YEN

先經過「三重塔」⋯⋯

經過「隨求殿」參拜⋯⋯⋯

到達今日的主角「地主神社」😘

但係唔知係咪個天都想考驗下我地的成心，由準備上「地主神社」開始，就不斷有遊客拉住我們合照⋯⋯⋯

影佐都成半粒鐘⋯⋯😅😅😅

我都忍唔住講佐句：其實我地都係遊客呢！！

千辛萬苦，排除萬難⋯⋯

終於上到黎啦！！～～～👏🏻👏🏻👏🏻

咁辛苦上來，為的就係祂law👼🏻

參拜完「地主神社」，就要影下世界文化遺產的

「清水寺本堂」

接著一定要飲一下「羽音之瀧」的泉水啦！！
原來三條泉水係有分「愛情💖、健康💪🏻、學業🎒」，當時人多手腳亂，都唔記得自己飲佐邊條tim!!~~~😆😆😆

行佐咁耐，真係熱到！！～～～～🔥🔥🔥
我已經聞到一股臭汗味從我的衣領飄出來💦💦💦（希望無其他人聞到👃🏻）
好彩羽音之瀧外有個小凉亭，否則好快中暑！！🍃

雖說件野咁緊，但係我覺得好肚餓啦！！
我安排了京都出名的「豆腐料理」，原本我安排了「奧丹清水」http://www.tofuokutan.info
但係～～～頂！！著住件👘野上上落落樓梯去到先發現佢"星期四休息"😠😠😠（其實都係我衰，無check 清楚，但👻知食店都會休息咩！！）
於是去佐就近的「日月庵」食～～～

http://www.nichigetsuan.com

學杜如風話齋：3000YEN食豆腐料理，豆腐真係唔使咁貴！！但係食佢地的心機，其實呢餐幾好食架！！😋

但係條死人👘，束到我都食唔落！！😠😠😠

我食幾啖就要企起身，落一落格⋯⋯⋯好攰！！😥

其實個餐，除佐豆腐，仲有刺身、天婦羅、燒三文魚同白飯嘅～～～～

參拜完清水寺，又食飽飽⋯⋯⋯可以安安樂樂行下條步行街

又Shopping!!💸💸💸

嘩！！好大隻龍貓呀！！～～～😍

雖然6:30pm 先還和服，但係真係太緊太熱同太攰了～～～
所以五點幾，我地就去還和服了！！

職員替我脫衣👘那一刻，我感覺到焗了一天的"汗氣"💦，一次個發放出來💨（自己都覺得😨），那位職員竟沒有即場暈到，果然訓練有素！！😆😆😆👍🏻
＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋
還了和服後，我們坐巴士到"河原町"逛街，順便搵食！！

來到了「八板神社」～～～
不過今日睇寺廟，有點看膩了～～～